9X: VÍDEO. CCOO Tragsatec contra o ERE no Grupo Tragsa

A defensa de todos os postos de traballo é a máxima prioridade de CCOO Tragsatec. 

A finais de 2013 a dirección da empresa decidiu executar o maior ERE no sector público da historia do país co que pretendían despedir a 610 compañeiras e compañeiros de Tragsatec, 1336 no Grupo.

Dende ese momento gran parte dos esforzos e recursos de CCOO Tragsatec foron destinados a anular este atropelo sen esquecer os demais obxectivos que nos tiñamos marcado.


Hoxe queremos compartir este vídeo e o comunicado nos que resumimos a loita, que aínda mantemos, para lograr a reversión de todos os despedimentos.

A nosa candidatura

Novas mobilizacións e reunións

O pasado 14 de abril unhas 300 persoas afectadas polo ERE e Representantes dos Traballadores, acudiron á convocatoria de concentración feita por CCOO Tragsa e Tragsatec nas inmediacións do Congreso dos Deputados. Seguimos reclamando a inmediata reversión dos 555 despedimentos e a apertura dunha mesa de negociación que retome o Plan de Viabilidade presentado pola empresa para mediados do 2015 e que foi retirado pola mesma tras o pronunciamiento do Tribunal Supremo, que avala o ERE levado a cabo anulando así a sentenza da Audiencia Nacional. 

O próximo 28 de abril teremos unha nova reunión coa Dirección da empresa en Madrid na que se nos entregará a información económica da compañía a decembro de 2015 e marzo de 2016. 

Seguir lendo...

14 de abril concentración contra ERE no Grupo Tragsa

ERE Grupo Tragsa. Debate PNL na Comisión de Emprego

A continuación colgamos o vídeo íntegro do debate na Comisión de Emprego do Congreso dos Deputados da Proposición non de Lei presentada polo PSOE e que foi aprobada con 22 votos a favor (PSOE, Podemos, ERC, Democracia y Libertad e Grupo Mixto), 15 en contra (PP) e 6 abstencións (Ciudadanos e PNV) 

CCOO Tragsatec. ERE Grupo Tragsa. Resumo visita ao Parlamento Europeo

Tal e como informaramos, unha delegación de CCOO e UGT do Grupo Tragsa estivemos os días 23 e 24 de febreiro en Bruxelas con eurodeputados e responsables sindicais e de emprego da Unión Europea para trasladarlles de primeira man a problemática do Procedemento de Despedimento Colectivo do Grupo Tragsa.

CCOO Tragsatec foi a única Sección Sindical que fixo entrega a todos eles dun detallado dossier no que explicamos cronoloxicamente todo o sucedido no ERE do Grupo Tragsa, así como a actual situación da compañía e o momento de conflitividade laboral que estamos a vivir por outros asuntos, propoñendo solucións e medidas alternativas aos despedimentos que garantan a viabilidade e futuro da empresa, co mantemento de todos os postos de traballo, así como a defensa do Grupo como medio propio das Administracións.

Texto íntegro

Comunicado CCOO. ERE Grupo Tragsa no Parlamento Europeo

Neste novo comunicado de CCOO Tragsatec informámosvos de:

1. ERE Grupo Tragsa no Parlamento Europeo 
2. Reunión co Coordinador Xeral de EU, Cayo Lara e con representantes de Cidadáns 
3. Primeira sentenza que declara improcedente un despedimento no marco do ERE Tragsa 
4. Contratos de obra de máis de 4 anos asinados despois do 18 de xuño de 2010 
5. Inspección de Traballo volve sancionar á empresa por non publicitar as novas vacantes 
6. Acordo de flexibilidade para persoal con redución de xornada por garda legal e asuntos familiares 

Seguir lendo...

Comunicado CCOO. Concentración en sede PP e outros eventos

Publicamos un novo comunicado de CCOO Tragsatec sobre a concentración diante da sede do Partido Popular o pasado 26 de xaneiro na que esiximos a  readmisión dos 555 despedidos no ERE do Grupo Tragsa.

Tamén facemos un resumo da reunión mantida co Presidente, Secretario Xeral e Director de RRHH do Grupo e informamos dos próximos eventos nos que participará CCOO Tragsatec.

Comunicado