Reunión da RSE do 8 de noviembro 2016

Informamos dos seguintes asuntos tratados na reunión entre a Representación Sindical Estatal (RSE) e a dirección de empresa o pasado 8 de novembro de 2016

• Información sobre a Lei de Reforma do Sector Público. Afectación que pode ter esta Lei sobre os medios propios das Administracións Públicas e sobre o Grupo Tragsa en particular

• Datos económicos a setembro de 2016. Incremento da produción e marxe directo en relación ao orzamento e ao mesmo trimestre do exercicio 2015. Substitución de persoal indefinido por eventual e precarización de emprego.

A proposta de CCOO Tragsatec tratáronse os seguintes asuntos:

• I Convenio Colectivo Tragsatec e plan de estabilidade de emprego. Solicitude de apertura de mesa de negociación para o I Convenio Colectivo de Tragsatec e dun novo plan de estabilidade de emprego. Empresa disposta a negociar.

• Convenio Colectivo de empresas de enxeñarías e oficinas de estudos técnicos.  Tras a recente firma do Convenio, solicitamos que a empresa faga os cambios contractuais precisos para que o mesmo sexa de aplicación ao persoal incorporado desde o 1 de xaneiro de 2015 do mesmo xeito que o resto de persoal.

• Permiso retribuído por hospitalización de familiares (alta hospitalaria sen alta médica). Solicítase que este permiso non se extinga coa alta hospitalaria se non hai alta médica dando cumprimento a recentes sentenzas xudiciais.

• Cotización á Seguridade Social do persoal indefinido non fixo. Solicítase que a cotización deste colectivo sexa a de persoal indefinido e non temporal.

• Ampliación do FAS a todo o persoal por sentenza da Audiencia Nacional. Establécese un prazo ata o 18 de novembro de 2016 para que o persoal temporal, indefinidos non fixos, persoal de buques e reservas mariñas poidan acollerse voluntariamente ao FAS e permitan a detracción da correspondente achega nas súas nóminas.

• Redución de xornada por coidado de menores e familiares. Solicítase que as novas solicitudes e cambios de porcentaxe de redución sexan de aplicación dende a data indicada pola persoa interesada e non desde o 1 do mes anterior ou posterior. A empresa estudará cada caso.

• Adaptación do proceso de selección e contratación á lexislación vixente. Solicítase que a empresa cumpra o establecido en convenio para procesos de selección e contratación. A empresa afirma que xa cumpre a pesar de ter 9 sancións de Inspección de Traballo por infraccións nesta materia.

• Sentenza do TJUE de data 14 de setembro de 2016. Asunto C- 596/14. Solicítase o recoñecemento de dereito ao persoal temporal de cobrar a mesma indemnización por finalización da relación laboral que o persoal indefinido.

• Regulamentos de Comisións estatais de Formación e Reclasificación. Solicítase acordar un regulamento de funcionamento para ambas comisións.

• Atrasos subida 1%. Procederase ao abono coa nómina de novembro ou a principios de decembro.

Ler comunicado...