Resposta da Dirección da Empresa. Novo organigrama. Impacto económico e sobre masa salarial

Publicamos a resposta dada pola Dirección de Empresa á solicitude de información do impacto económico e cambios da masa salarial que produciu o cambio organizativo no Grupo Tragsa.

Esta Sección Sindical segue, a pesar da resposta da empresa, entendendo a necesidade e obriga, da consulta e informe dos representantes dos traballadores en aplicación do art.º 64 do Estatuto dos Traballadores dado que un novo organigrama supón unha implantación e/ou revisión dun novo sistema de organización.

Seguiremos informando.

Enviado o: mércores, 09 de xullo de 2014 16:54
Asunto: RV: Solicitude información 
Importancia: Alta 

Respecto á consulta relacionada sobre o detalle e desagregación do impacto económico que o cambio organizativo supón para o Grupo e para Tragsatec e sobre o impacto na masa salarial global (nos termos establecidos no a Lei 22/2013 do 23 de decembro), indicar que a información que nos solicitas, excede do ámbito de aplicación do artigo 64 do Estatuto dos Traballadores, que recolle a información que obrigatoriamente a empresa debe entregar á representación legal dos traballadores e nese sentido, indicarche que tampouco se precisa informe previo da representación legal dos traballadores. En cambio, si se precisou e así requiriúsevos na reestruturación que a empresa formulou a través do procedemento de despedimento colectivo de tragsatec. 

Respecto á cuestión relativa (e que transcribo): "existencia dalgúns ascensos e o paso a Tragsatec da subdirección de Sistemas e Aplicacións Corporativas e as Xerencias de Desenvolvementos e Sistemas, cuxo persoal, entendemos, réxese por Convenio Tragsa", igualmente solicitades información que non se encontra entre a que, por imposición do artigo 64 do ET, a empresa vos deba entregar. Referídesvos a nomeamentos en postos de confianza e de libre designación e como tales, competen exclusivamente á empresa, así como o deseño organizativo, o cal se enmarca dentro do seu labor, coa adopción de medidas empresariais interna, como política de xestión. 

Quedo á vosa disposición para calquera aclaración. 

Saúdos,