Cotización paga extra detraida

A Dirección de Empresa infórmanos da actual situación de devolución por ingresos indebidos á Seguridade Social con motivo da detracción da paga extra de decembro de 2012.

En relación coa solicitude de devolución por ingresos indebidos efectuados á Seguridade Social con motivo da detracción da paga extra establecida no RD 20/2012, infórmase o seguinte:

Que dende que tivemos coñecemento por parte da Tesouraría da Seguridade Social (25/2/02013), á consulta que formulamos á devandita Administración en data 14/7/2012 sobre este particular, se mantiveron no segundo trimestre do 2013 diversas reunións coa Tesouraría, todo iso ao obxecto de coordinar a solicitude de devolución de ingresos indebidos mediante medios telemáticos que facilitasen a complexa operatividade que había que realizar.

Que unha vez consensuada a operativa e o medio polo que facilitar a información, dada a especial complexidade técnica, se tiveron que desenvolver nos nosos sistemas informáticos de xestión de nómina novas funcionalidades e parametrizacións, ao obxecto de poder xerar os informes de solicitude de devolución por convenio e empresa. 

Que unha vez concluídas estas, no último trimestre do ano 2013 procedemos a realizar os procesos de cálculos correspondentes a todo o exercicio 2012, demorándose no tempo para poder compatibilizalos coa planificación dos procesos de nómina ordinarios. 

Que despois de verificarse cada un dos ficheiros xerados (gran volume e multiplicidade de datos contidos nestes), se procedeu a formalizar o escrito, de solicitude ante a Dirección Provincial da Tesouraría Xeral da Seguridade Social, de devolución de ingresos indebidos, facéndose entrega a semana pasada dos medios informáticos que soportan a solicitude. A partir deste momento quedamos á espera de resolución pola Tesouraría. Neste sentido e dado que este tipo de remesas de información telemática nunca se realizara con anterioridade en ningunha organización e polo tanto non temos experiencias contrastadas ao respecto, descoñecemos o tempo en que nos trasladen a resolución.

Seguiremos informando.