PERMISO DE ENFERMIDADE SEN BAIXA
Como vos informamos neste comunicado o Tribunal Supremo dá a razón a CCOO Tragsatec e ratifica a sentenza da Audiencia Nacional que recoñece o dereito ao permiso retribuído durante os tres primeiros días de cada período de enfermidade sen necesidade da declaración de baixa médica ou incapacidade temporal, simplemente coa xustificación prescrita polo sistema sanitario público.
Por parte desta Sección sindical xa lle requirimos á Dirección da empresa que acate a sentenza do Tribual Supremo e proceda a facilitar que o persoal de Tragsatec poida acollerse ao permiso de enfermidade recollido no apartado g) do artigo 6 do Acordo de Homologación, sen que se obrigue nin esixa a baixa médica e que se realicen as modificacións pertinentes na xestión de permisos da Intranet.
A Dirección de Recursos Humanos confirmou que se vai a proceder nos termos da sentenza e así o publicaron na intranet no día de hoxe, habilitando novamente a incidencia de Enfermidade sen baixa na aplicación de “Xustificación de incidencias”.
Desde CCOO estamos moi satisfeitos co fallo do Tribunal Supremo, xa que foi unha dura batalla xurídica coa empresa para defender o cumprimento dos dereitos recolleitos nos nosos acordos. Esperamos que para futuro podamos utilizar a vía da negociación colectiva para resolver estes conflitos, que para nós é a vía máis razoable, pero non dubidaremos en acudir aos tribunais como nesta ocasión se a Dirección atenta contra calquera dos dereitos conseguidos.
PERSOAL TRASLADADO DE CENTRO DE TRABALLO
Detectamos algúns casos de persoal que foi desprazado a outro centro de traballo e que ao cumprir o ano, que debería converterse nun traslado (regulado segundo o artigo 40 do Estatuto dos Traballadores) non se articulou como tal porque algúns responsables interpretan que non poden realizar un traslado se non existe a praza fixa no lugar de destino, interpretando que as prazas fixas só pódense crear a través da taxa de reposición ou o plan de estabilización de emprego.
Tras comunicar estas situacións á Dirección de RRHH en Madrid, concluíron que os traslados en caso de persoal indefinido desprazado que cumpre o ano ou traslados executados directamente, deben seguir articulándose como viña facendo, en base ao Estatuto dos Traballadores e ao Convenio de Enxeñerías, e que non debe mesturarse coa taxa de reposición e procesos de estabilización do emprego, destinados ao persoal con contrato temporal.
Se tes algunha dúbida ou aclaración ou queres ampliar información dalgunha outra cuestión, non dubides en poñerche en contacto connosco mediante a nosa dirección de correo electrónico ou con calquera delegado/a de CCOO no teu centro de traballo.
No hay comentarios :
Publicar un comentario
Faite participe e escribe o teu comentario.
A publicación dos comentarios están suxetos a moderación.