Reunión coa RSE 4 abril 2017

Informamos dos seguintes asuntos tratados coa dirección da empresa o pasado 4 de abril:

1.- Tarifas Tragsa e encomendas de xestión. A pesar de que todos os informes afirman que cumprimos todos os requisitos para ser medio propio das AAPP, desde CCOO Tragsatec seguimos preocupados polas decisións dalgúns dos nosos clientes de licitar traballos que históricamente eran encomendados a Tragsatec. Seguiremos mantendo reunións cos distintos grupos parlamentarios para tratar de dar solución a este problema.

2.- Datos económicos peche 2016 e previsión 2017. O exercicio 2016 pecha con importantes beneficios que se prevé que continúen en 2017. Con todo, evidénciase unha constante precarización dos postos de traballo en Tragsatec. Desde CCOO Tragsatec pediremos que os beneficios históricos de Tragsatec sirvan para garantir os postos de traballo e que se abra unha mesa negociadora para converter contratos temporais en fixos aplicando a taxa de reposición da Lei de Orzamentos Xerais do Estado 2016.

3.- Estudo de incapacidade temporal por continxencias comúns. A empresa presentou un informe sobre baixas laborais centrado nos gastos que xeneran o dereito de mellora ata o 100% do salario nos casos de incapacidade temporal, xusto nun momento en que está a centrar esforzos para reducir o que ata hai pouco chamaban absentismo e cando desde CCOO Tragsatec xudicializamos a supresión do permiso por enfermidade sen baixa. Estaremos atentos e mostraremos oposición perante calquera intento de supresión do dereito da mellora antes mencionada.

4.- Próxima reunión coa Dirección o 9 de maio. Na que trataremos importantes asuntos a petición de CCOO Tragsatec: proposta de negociación de convenio propio para o persoal de Tragsatec, aplicación da taxa de reposición, interpretacións erróneas dos permisos do acordo de homologación, abono da antigüidade e plus convenio, compensacións de horas extras, dietas para desprazamentos, un sistema eficaz de reclasificación e as condicións laborais do persoal das reservas mariñas, entre outros.

Seguir lendo...