PROTESTAS NA DELEGACIÓN DO GRUPO TRAGSA EN GALICIA

No pasado mes outubro tivemos a última reunión coa dirección da empresa na que tratamos os últimos despidos producidos na nosa delegación.

Puxemos de manifesto que os axustes que se están a facer para compensar a perda de encargos e a baixada de producción, estanse a focalizar exclusivamente nos traballadores de base da empresa, mentres que non se está a plantexar ningunha clase de reestructuración e de aforro no organigrama. Estamos convencidos de que se, a pesar dos menores ingresos, a empresa é capaz de manter postos directivos debe ser capaz de manter, por necesidade, os postos de traballo de todos os traballadores.

Solicitamos tamén que, en base a Ley de Transparencia que se aplica no sector público, se nos facilitara información máis detallada sobre as retribucións dos directivos do Grupo Tragsa na Delegación.

A ambos requerimentos a empresa respondeu negativamente. Reafírmanse na súa política de despidos e de mantemento de organigrama e seguen a manter os salarios dos directivos como información non pública a pesar de son abonados con capital público.

Estamos convencidos de que a aplicación en exclusiva de medidas de recortes non é solución a esta situación. É necesario que se recuperen antigos clientes e que se busquen novas liñas de negocio. É necesaria a elaboración participativa entre traballadores e dirección dun Plan Comercial.

Pensamos que temos motivos máis que suficientes para iniciar unha acción sindical máis combativa. É por iso que o próximo martes 13 de novembro os Representantes Sindicais de Galicia protagonizaremos unha protesta na Delegación do Grupo Tragsa en Santiago en horario de 10:00 a 13:00. Aplicaremos esta mesma medida en outros centros de traballo do Grupo Tragsa en Galicia durante as vindeiras semanas.

Convidamos e animamos a que os que queirades participar activamente, dediquedes os vosos 20 minutos de café do martes 13 de novembro a acompañarnos.

XUNTOS TEMOS MÁIS FORZA.

POLA DEFENSA DOS NOSOS SALARIOS E DEREITOS

POLA DEFENSA DUN TRABALLO DIGNO E DE CALIDADE

POLA DEFENSA DAS EMPRESAS PÚBLICAS